BATTLE’ ya Cindy ne Sheebah e Bungereza buli omu agyogerako lulwe kyokka ye omuzinnyi Ritah Dancehall yagivuddemu amenyese amagulu era kati atambulira ku miggo.
Omanyi Sheebah, yagenze ne ttiimu ye ey’abazannyi abamuyambako ku siteegi era ne Ritah mwe yabadde.
Ku siteegi, Ritah yeebagazze omu ku bazigize omusajja n’azina naye wabula gye byaggweeredde, ng’obukolomooni bwe yabadde akola, bumusinzizza amaanyi ppaka ku ttaka.
Yatadde obubaka ku mukutu gwe ogwa Facebook ng’alaga emiggo kw’atambulira kati era takyasobola kunyoola kiwato essaawa eno.
